Түр хүлээнэ үү
Хүүхэд төрсний дараах эхний таван сар нь шинэ аав, ээжийн хувьд маш эмх замбараагүй мэт өнгөрдөг. Бид шинэхэн аавуудад зориулж дараах зөвлөмжийг хүргэж байна.
Хувцаслах, хамт тоглох, усанд орох, живх солих зэрэг хүүхдийнхээ өдөр тутмын анхаарал халамжинд оролцох нь таны ур чадвар, өөртөө итгэх итгэлийг нэмэгдүүлэх хамгийн сайн арга юм. Эдгээр өдөр тутмын үйл ажиллагаа нь хүүхэдтэйгээ ганцаарчилсан олон цагийг бий болгодог бөгөөд энэ нь эерэг харилцааг бий болгоно.
Хүүхэдтэйгээ байнга хүрэлцэх нь таны хүүхдэд аюулгүй байдлыг мэдрүүлж, тантай итгэлцэл, холбоог бий болгодог. Шинээр төрсөн хүүхдүүдтэй ийм төрлийн холбоо барих нь таны хүүхдийн тархины хөгжлийг идэвхжүүлдэг. Хэрэв та түүнийг цээжиндээ барьвал тэр таны зүрхний цохилтыг сонсож чадна.
Жишээлбэл, "За живхийг нь солилоо шүү. Энэ нь илүү дээр санагдаж байна, тийм үү? Энд сайхан цэвэрхэн живх байна. Битгий уйл - бид удахгүй дуусна” гэх мэтээр ярилцах хэрэгтэй. Хүүхдийн сонссон үг бүр түүний хэл яриа, суралцах чадварыг хөгжүүлж, түүнтэй харилцах харилцааг тань бэхжүүлдэг.
Хүүхэдтэйгээ хамтдаа өнгөрүүлсэн цаг хамгийн чухал бөгөөд хүүхэд аав хоёрын холбоог улам бэхжүүлэх болно.
Ээжийг хөхүүлэх болон угжхад нь дэмжлэг үзүүлэх нь маш чухал. Аяга ус дөхүүлэх, дэр эвж өгөх гэх мэт бодит дэмжлэгүүд үзүүлэх хэрэгтэй. Мөн ээжид асуудал тулгарвал түүнд сэтгэл зүйн дэмжлэг үзүүлээрэй.
Шинэ хүүхэдтэй болох нь таны хамтрагчтай харилцах харилцаанд ойлгомжгүй байдал үүсгэж болох юм. Хамтдаа эцэг эх болох суралцах зүйлсдээ эерэг байж, бие биенээ дэмжихийг хичээгээрэй. Ярилцах, хүлээцтэй хандах нь хожим эцэг эх болох сайн туршлага болох болно.
Аавууд ч гэсэн өөрийн сэтгэл зүй, эрүүл мэнддээ анхаарч байх хэрэгтэй шүү. Шинэ аав та эрүүл амьдралын хэв маягийг сонгож, аль болох өөртөө анхаарах замаар эрч хүчээ хадгалж чадна. Ингэснээр гэр бүлдээ илүү сайн анхаарал тавих болно.
Бид танд хэлэхийг хүсч буй нэг зүйл бол хүүхэд бүр өвөрмөц бөгөөд өөр өөрийн гэсэн онцлогтой байдаг. Хэрхэн аав болох талаар тодорхой заавар байдаггүй, учир нь хүн бүр аав байх ямар байх ёстойг өөрөө тохируулж, амьдралаас суралцдаг билээ.
Comments